 |
| গৌরীশাষ্টকম |
॥ শ্রী গৌরীশাষ্টকম ॥
ভজ গৌরীশং ভজ গৌরীশং গৌরীশং ভজ মন্দমতে।
জলভবদুস্তরজলধিসুতরণং ধ্যেয়ং চিত্তে শিবহরচরণম্।
অন্যোপায়ং ন হি ন হি সত্যং গেয়ং শঙ্কর শঙ্কর নিত্যম্।
ভজ গৌরীশং ভজ গৌরীশং গৌরীশং ভজ মন্দমতে॥1॥
দারাপত্যং ক্ষেত্রং বিত্তং দেহং গেহং সর্বমনিত্যম্।
ইতি পরিভাবয় সর্বমসারং গর্ভবিকৃত্যা স্বপ্নবিচারম্।
ভজ গৌরীশং ভজ গৌরীশং গৌরীশং ভজ মন্দমতে॥2॥
মলবৈচিত্যে পুনরাবৃত্তিঃ পুনরপি জননীজঠরোৎপত্তিঃ।
পুনরপ্যাশাকুলিতং জঠরং কিং নহি মুঞ্চসি কথয়েশ্চিত্তম্।
ভজ গৌরীশং ভজ গৌরীশং গৌরীশং ভজ মন্দমতে॥3॥
মায়াকল্পিতমৈন্দ্রং জালং ন হি তৎসত্যং দৃষ্টিবিকারম্।
জ্ঞাতে তত্ত্বে সর্বমসারং মা কুরু মা কুরু বিষয়বিচারম্।
ভজ গৌরীশং ভজ গৌরীশং গৌরীশং ভজ মন্দমতে॥4॥
রজ্জৌ সর্পভ্রমণা-রোপস্তদ্বদ্ব্রহ্মণি জগদারোপঃ।
মিথ্যামায়ামোহবিকারং মনপি বিচারয় বারম্বারম্।
ভজ গৌরীশং ভজ গৌরীশং গৌরীশং ভজ মন্দমতে॥5॥
অধ্বরকোটীগঙ্গাগমনং কুরুতে যোগং চেন্দ্রিয়দমনম্।
জ্ঞানবিহীনঃ সর্বমতেন ন ভবতি মুক্তো জন্মশতেন।
ভজ গৌরীশং ভজ গৌরীশং গৌরীশং ভজ মন্দমতে॥6॥
সোঽহং হংসো ব্রহ্মৈবাহং শুদ্ধানন্দস্তত্ত্বপরোঽহম্।
অদ্বৈতোঽহং সঙ্গবিহীনে চেন্দ্রিয় আত্মনি নিখিলে লীনে।
ভজ গৌরীশং ভজ গৌরীশং গৌরীশং ভজ মন্দমতে॥7॥
শঙ্করকিংঙ্কর মা কুরু চিন্তাং চিন্তামণিনা বিরচিতমেতৎ।
যঃ সদ্ভক্ত্যা পঠতি হি নিত্যং ব্রহ্মণি লীনো ভবতি হি সত্যম্।
ভজ গৌরীশং ভজ গৌরীশং গৌরীশং ভজ মন্দমতে॥8॥
॥ ইতি শ্রীচিন্তামণিবিরচিতং গৌরীশাষ্টকং সম্পূর্ণম্ ॥
0 Comments