মহামৃত্যুঞ্জয়-কবচম্
শ্রীদেব্যুবাচ।
ভগবন্ সর্বধর্ম্মজ্ঞ সৃষ্টিস্থিতিলয়াত্মক।
মৃত্যুঞ্জয়স্য দেবস্য কবচং মে প্রকাশয় ॥ ১
ঈশ্বর উবাচ।
শৃণু দেবি প্রবক্ষ্যামি কবচং সর্বসিদ্ধিদম্।
মার্কেণ্ডেয়ঽপি যদ্ধৃতা চিরজীবী ব্যজায়ত ॥ ২
তথৈব সর্বদিকপালা অমরত্বমবাপ্নুয়ুঃ।
কবচস্য ঋষির্ব্রহ্মা ছন্দোঽনুষ্টুবুদাহৃতম্ ॥ ৩
মৃত্যুঞ্জয়ঃ সমুদ্দিষ্টো দেবতা পার্ব্বতীপতিঃ।
দেহারোগ্যবলায়ুষ্টে বিনিয়োগঃ প্রকীর্ত্তিতঃ ॥ ৪
ওঁ ত্র্যম্বকং মে শিরঃ পাতু ললাটং মে যজামহে।
সুগন্ধিং পাতু হৃদয়ং জঠরং পুষ্টিবর্দ্ধনম্ ॥ ৫
নাভিমুদ্দারুকমিব পাতু মাং পার্ব্বতীপতিঃ।
বন্ধনাদুরূযুগ্মং মে পাতু কামাঙ্গশাসনঃ ॥ ৬
মৃত্যোর্জানুযুগং পাতু দক্ষযজ্ঞবিনাশনঃ।
জঙ্ঘাযুগ্মঞ্চ মুর্ক্ষীয়ু পাতু মাং চন্দ্রশেখরঃ ॥৭
মামৃতাচ্চ পদদ্বন্দ্বং পাতু সর্বেশ্বরো হরঃ।
অংসৌ মে শ্রীশিবঃ পাতু নীলকণ্ঠশ্চ পার্শ্বয়োঃ ॥ ৮
উর্দ্ধমেব সদা পাতু সোমসূৰ্য্যাগ্নিলোচনঃ।
অধঃ পাতু সদা শম্ভুঃ সর্ব্বাপদ্বিনিবারণঃ ॥ ৯
বারুণ্যামর্দ্ধনারীশো বায়ব্যাং পাতু শঙ্করঃ।
কপর্দ্দী পাতু কৌবের্য্যামৈশান্যাং ঈশ্বরোঽবতু ॥ ১০
ঈশানঃ সলিলে পায়াৎ অঘোরঃ পাতু কাননে।
অন্তরীক্ষে বামদেবঃ পায়াত্তৎপুরুষো ভুবি ॥ ১১
শ্রীকণ্ঠঃ শয়নে পাতু ভোজনে নীললোহিতঃ।
গমনে ত্র্যম্বকঃ পাতু সর্বকার্য্যেষু সুব্রতঃ ॥ ১২
সর্বত্র সর্বদেহং মে সদা মৃত্যুঞ্জয়োঽবতু।
ইতি তে কথিতং দিব্যং কবচং সর্বকামদম্ ॥ ১৩
সর্বরক্ষাকরং সর্বগ্রহপীড়ানিবারণম্।
দুঃস্বপ্ননাশনং পুণ্যমায়ুরারোগ্যদায়কম্ ।। ১৪
ত্রিসন্ধ্যং যঃ পঠেদেতন্মৃত্যুস্তস্য ন বিদ্যতে।
লিখিতং ভূর্জ্জপত্রে তু যঃ ইদং মে ব্যধারয়েৎ ॥ ১৫
তং দৃষ্টৈব পলায়ন্তে ভূতপ্রেতপিশাচকঃ।
ডাকিন্যশ্চৈব যোগিন্যঃ সিদ্ধগন্ধর্বরাক্ষসাঃ ॥ ১৬
বালগ্রহাদিদোষা হি নশ্যন্তি তস্য দর্শনাৎ।
উপগ্রহাশ্চৈব মারীভয়শ্চৌরাভিচারিণঃ ॥ ১৭
ইদং কবচমায়ুষ্যং কথিতং ভব সুন্দরি।
ন দাতব্যং প্রযত্নেন প্রকাশং ন কদাচন ॥ ১৮
॥ ইতি শ্রীমহামৃত্যুঞ্জয়কল্পে দেবীশ্বরসংবাদে মহামৃত্যুঞ্জয় কবচং সমাপ্তম্ ॥
মহামৃত্যুঞ্জয়-কবচম্ , Maha Mrityunjaya kavacham in bengali , মহামৃত্যুঞ্জয় কবচ , Mrityunjayay kavacham, মহা মৃত্যুঞ্জয় কবচম্ , mahamrityunjaya kavach in bengali, Mrittunjay mantra, Mrityunjay stotram, Sanatani Hindu Online
0 Comments