কালভৈরবাষ্টকম্
kālabhairavāṣṭakam
দেবরাজসেব্যমানপাবনাঙ্ঘ্রিপঙ্কজং
ব্যালযজ্ঞসূত্রমিন্দুশেখরং কৃপাকরম্ ।
নারদাদিযোগিবৃন্দবন্দিতং দিগম্বরং
কাশিকাপুরাধিনাথকালভৈরবং ভজে ॥ ১ ॥
devarājasevyamānapāvanāṅghripaṅkajaṃ
vyālayajñasūtraminduśekharaṃ kṛpākaram ;
nāradādiyogibṛndavanditaṃ digambaraṃ
kāśikāpurādhināthakālabhairavaṃ bhaje . 1 .
ভানুকোটিভাস্বরং ভবাব্ধিতারকং পরং
নীলকণ্ঠমীপ্সিতার্থদায়কং ত্রিলোচনম্ ।
কালকালমম্বুজাক্ষমস্তশূন্যমক্ষরং
কাশিকাপুরাধিনাথকালভৈরবং ভজে ॥ ২ ॥
bhānukoṭibhāsvaraṃ bhavābdhitārakaṃ paraṃ
nīlakaṇṭhamīpsitārthadāyakaṃ trilocanam ;
kālakālamambujākṣamastaśūnyamakṣaraṃ
kāśikāpurādhināthakālabhairavaṃ bhaje . 2 .
শূলটঙ্কপাশদণ্ডপাণিমাদিকারণং
শ্যামকায়মাদিদেবমক্ষরং নিরাময়ম্ ।
ভীমবিক্রমং প্রভুং বিচিত্রতাণ্ডবপ্রিয়ং
কাশিকাপুরাধিনাথকালভৈরবং ভজে ॥ ৩ ॥
śūlaṭaṅkapāśadaṇḍapāṇimādikāraṇaṃ
śyāmakāyamādidevamakṣaraṃ nirāmayam ;
bhīmavikramaṃ prabhuṃ vicitratāṇḍavapriyaṃ
kāśikāpurādhināthakālabhairavaṃ bhaje . 3 .
ভুক্তিমুক্তিদায়কং প্রশস্তচারুবিগ্রহং
ভক্তবৎসলং স্থিরং সমস্তলোকবিগ্রহম্ ।
নিক্বণন্মনোজ্ঞহেমকিঙ্কিণীলসৎকটিং
কাশিকাপুরাধিনাথকালভৈরবং ভজে ॥ ৪ ॥
bhuktimuktidāyakaṃ praśastacāruvigrahaṃ
bhaktavatsalaṃ sthiraṃ samastalokavigraham ;
nikvaṇanmanojñahemakiṅkiṇīlasatkaṭiṃ
kāśikāpurādhināthakālabhairavaṃ bhaje . 4 .
ধর্মসেতুপালকং ত্বধর্মমার্গনাশকং
কর্মপাশমোচকং সুশর্মদায়কং বিভুম্ ।
স্বর্ণবর্ণকেশপাশশোভিতাঙ্গনির্মলং
কাশিকাপুরাধিনাথকালভৈরবং ভজে ॥ ৫ ॥
dharmasetupālakaṃ tvadharmamārganāśakaṃ
karmapāśamocakaṃ suśarmadāyakaṃ vibhum ;
svarṇavarṇakeśapāśaśobhitāṅganirmalaṃ
kāśikāpurādhināthakālabhairavaṃ bhaje . 5 .
রত্নপাদুকাপ্রভাভিরামপাদযুগ্মকং
নিত্যমদ্বিতীয়মিষ্টদৈবতং নিরঞ্জনম্ ।
মৃত্যুদর্পনাশনং করালদংষ্ট্রভূষণং
কাশিকাপুরাধিনাথকালভৈরবং ভজে ॥ ৬ ॥
ratnapādukāprabhābhirāmapādayugmakaṃ
nityamadvitīyamiṣṭadaivataṃ nirañjanam ;
mṛtyudarpanāśanaṃ karāladaṃṣṭrabhūṣaṇaṃ
kāśikāpurādhināthakālabhairavaṃ bhaje . 6 .
অট্টহাসভিন্নপদ্মজাণ্ডকোশসন্ততিং
দৃষ্টিপাতনষ্টপাপজালমুগ্রশাসনম্ ।
অষ্টসিদ্ধিদায়কং কপালমালিকাধরং
কাশিকাপুরাধিনাথকালভৈরবং ভজে ॥ ৭ ॥
aṭṭahāsabhinnapadmajāṇḍakośasantatiṃ
dṛṣṭipātanaṣṭapāpajālamugraśāsanam ;
aṣṭasiddhidāyakaṃ kapālamālikādharaṃ
kāśikāpurādhināthakālabhairavaṃ bhaje . 7 .
ভূতসঙ্ঘনায়কং বিশালকীর্তিদায়কং
কাশিবাসিলোকপুণ্যপাপশোধকং বিভুম্ ।
নীতিমার্গকোবিদং পুরাতনং জগৎপতিং
কাশিকাপুরাধিনাথকালভৈরবং ভজে ॥ ৮ ॥
bhūtasaṅghanāyakaṃ viśālakīrtidāyakaṃ
kāśivāsilokapuṇyapāpaśodhakaṃ vibhum ;
nītimārgakovidaṃ purātanaṃ jagatpatiṃ
kāśikāpurādhināthakālabhairavaṃ bhaje . 8 .
কালভৈরবাষ্টকং পঠন্তি যে মনোহরং
জ্ঞানমুক্তিসাধকং বিচিত্রপুণ্যবর্ধনম্ ।
শোকমোহলোভদৈন্যকোপতাপনাশনং
তে প্রয়ান্তি কালভেরবাঙ্ঘ্রিসন্নিধিং ধ্রুবম্ ॥ ৯ ॥
kālabhairavāṣṭakaṃ paṭhanti ye manoharaṃ
jñānamuktisādhakaṃ vicitrapuṇyavardhanam ;
śokamohalobhadainyakopatāpanāśanaṃ
te prayānti kālabheravāṅghrisannidhiṃ dhruvam . 9 .
॥ কালভৈরবাষ্টকং সম্পূর্ণম্ ॥
. kālabhairavāṣṭakaṃ sampūrṇam .
0 Comments