Adya stotram in bengali lyrics, আদ্যা স্তোত্র পাঠের ফল, Aadya stotram in bengali.
ॐ শ্রী আদ্যায়ৈ নমঃ
আদ্যাস্তোত্রম্
ব্রহ্মোবাচ -
ॐ শৃণু বৎস প্রবক্ষ্যামি আদ্যাস্তোত্রং মহাফলম্ ।যঃ পঠেৎ সততং ভক্ত্যা স এব বিষ্ণুবল্লভঃ ॥
মৃত্যু-ব্যাধিভয়ং তস্য নাস্তি কিঞ্চিৎ কলৌ যুগে ।
অপুত্রো লভতে পুত্রং ত্রিপক্ষং শৃণুয়াদ যদি ॥
দ্বৌ মাসৌ বন্ধনান্মুক্তো বিপ্রবক্ত্রাৎ শ্রুতং যদি ।
মৃতবৎসা জীববৎসা ষণ্মাসং শ্রবণং যদি ॥
নৌকায়াং সঙ্কটে যুদ্ধে পঠনাজ্জয়মাপ্নুয়াৎ ।
লিখিত্বা স্থাপয়েদ্ গেহে নাগ্নিচৌরভয়ং ক্বচিৎ ॥
রাজস্থানে জয়ী নিত্যং প্রসন্নাঃ সর্বদেবতাঃ ।
পাপানি বিলয়ং যান্তি মৃতৌ মুক্তিমবাপ্নুয়াৎ ॥
(ওঁ হ্রীং) ব্রহ্মাণি ব্রহ্মলোকে চ বৈকুণ্ঠে সর্বমঙ্গলা ।
ইন্দ্রাণী অমরাবত্যামম্বিকা বরুণালয়ে ॥
যমালয়ে কালরূপা কুবেরভবনে শুভা।
মহানন্দাগ্নিকোণে চ বায়ব্যাং মৃগবাহিনী ॥
নৈর্ঋত্যাং রক্তদন্তা চ ঐশান্যাং শূলধারিণী ।
পাতালে বৈষ্ণবীরূপা সিংহলে দেবমোহিনী ॥
সুরসা চ মণিদ্বীপে লঙ্কায়াং ভদ্রকালিকা ।
রামেশ্বরী সেতুবন্ধে বিমলা পুরুষোত্তমে ॥
বিরজা ওড্রদেশে চ কামাখ্যা নীলপর্বতে ।
কালিকা বঙ্গদেশে চ অযোধ্যায়াং মহেশ্বরী ॥
বারাণস্যামন্নপূর্ণা গয়াক্ষেত্রে গয়েশ্বরী ।
কুরুক্ষেত্রে ভদ্রকালী ব্রজে কাত্যায়নী পরা ॥
দ্বারকায়াং মহামায়া মথুরায়াং সুরেশ্বরী ।
ক্ষুধা ত্বং সর্বভূতানাং বেলা ত্বং সাগরস্য চ ॥
নবমী কৃষ্ণপক্ষস্য শুক্লাস্যৈকাদশী পরা ।
দক্ষস্য দুহিতা দেবি দক্ষযজ্ঞবিনাশিনী ॥
রামস্য জানকী ত্বং হি রাবণধ্বংসকারিণী ।
চণ্ডমুণ্ডবধে দেবী রক্তবীজ-বিনাশিনী ॥
নিশুম্ভ-শুভমথনী মধুকৈটভঘাতিনী ।
বিষ্ণুভক্তিপ্ৰদা দুৰ্গা সুখদা মোক্ষদা সদা ॥
ইদমাদ্যাস্তবং পুণ্যং যঃ পঠেৎ ভক্তিসংযুতঃ ।
ইহ সর্ব্বসুখং ভুক্ত্বা ততো যাতি পরং পদম্ ॥
সর্ব্বজ্বরভয়ং নশ্যেৎ সর্ব্বব্যাধি-বিনাশনম্ ।
কোটিতীর্থফলং তস্য লভতে নাত্র সংশয়ঃ ॥
জয়া মে চাগ্রতঃ পাতু বিজয়া পাতু পৃষ্ঠতঃ ।
নারায়ণী শীর্ষদেশে সর্বাঙ্গে সিংহবাহিনী ॥
শিবদূতী উগ্রচণ্ডা প্রত্যঙ্গে পরমেশ্বরী ।
বিশালাক্ষী মহামায়া কৌমারী শঙ্খিনী শিবা ॥
চক্ৰিণী জয়দাত্রী চ রণমত্তা রণপ্রিয়া ।
দুর্গা জয়ন্তী কালী চ ভদ্রকালী মহোদরী ॥
নারসিংহী চ বারাহী সিদ্ধিদাত্রী সুখপ্রদা ।
ভয়ঙ্করী মহারৌদ্রী মহাভয়বিনাশিনী ॥
॥ ইতি শ্রীব্রহ্মযামলে ব্রহ্মনারদসংবাদে শ্রীআদ্যাস্তোত্রং সমাপ্তম্ ॥
ॐ শ্রী আদ্যায়ৈ নমঃ ॥
ॐ আদ্যাশক্তি মহামায়ার্পণমস্তু ॥
#আদ্যাশক্তি
#adyashakti
#aadya
#aadyamaa
Adya stotram in bengali
আদ্যাস্তোত্রম্
Aadya stotram in bengali
Aadya stotra
Adya stotra
আদ্যা স্তোত্র পাঠের ফল
0 Comments